最近落好多日雨,好多户外活动都付之一炬,小编趁个风走之後去行小夏威夷径,因为呢度路铺得好好,就算落雨都唔怕。而且雨天时候 个瀑布更加澎湃,其实落雨,又有咩好怕 ,做足安全措施就可以开心出发!
首先系钻石山搭91/92号巴士,系井栏树村落车,向车头行会见到行人隧道,入去经楼梯边上,行前少少就见到入澳头村路口。
好快我地就听到水声啦,水坝中间有一个缺口,雨後流水怒冲而下,好壮观。一路向澳头方向行,直到见到小夏威夷径路牌分岔路转入去。小夏威夷径开始系一个山谷,山谷入面开好多牵牛花,好可爱啊!
然後我地就入森林小道,石砖地加上青绿色好似童话 啊!一路好平缓,虽然地下湿立立但只要有防滑鞋其实都好安全。行一阵就会见到蓝色休憩设施,过隔离小桥再行多阵就到十字分岔路。
向澳头方向行十分钟左右就会到瀑布,雨後瀑布真系好正,虽然瀑布唔高,但水量非常多,好靓啊!
原路返返十字路口,向将军澳村方向落山,十分钟左右就会落返马路,跟住大路走好快就见到巴士站离开。
难易度∶★
平日行完全 难度,落雨就记住著防滑鞋。
打卡度∶★★★★
雨後瀑布比平时好睇十倍∶)
设施完善度∶★★★★★
行入去有好多指示牌,路面都铺得好好。
最後提提大家行山要准备充足;最紧要系爱惜香港大自然,自己垃圾自己带走啊!今次郊游习作系 多,我地下次见啦!ByeBye!
Tags: Homita郊游乐
如果你都想分享你美容、时尚、旅行、运动心得,请将投稿文章连同不多於100字个人简介同埋近照一张,电邮到∶ editor@homita.com.hk,文章经小编筛选後更有机会刊登我FB专页,一经入选我会支付相应稿酬,仲唔快来投稿?
Author Information
You May Also Like
郊 Landscape | by Y小编 | 6 years ago
郊 Landscape | by Y小编 | 6 years ago
郊 Landscape | by Y小编 | 4 years ago
郊 Landscape | by Y小编 | 5 years ago
郊 Landscape | by Y小编 | 5 years ago
郊 Landscape | by Y小编 | 5 years ago